Тхьэльэ1у джэгум хэтынухэр:

1. Ажэгъафэ
2. Езыгъэк1уэк1 щ1алэмрэ хъыджэбзымрэ
3. Нанэ
4. Сабий джэгу

   Фи махуэ ф1ыуэ!

    Нэгъуэщ1 муслъымэн лъэпкъ куэдми хуэдэу адыгэхэми илъэсыщ1эр къихьэу щалъытэр  Гъатхэпэм и 22-ращ. А махуэм маф1ащхьэ джэд ф1ыц1э яук1ри унагъуэр зэхэсщ. Гъунэгъухэмрэ зэблагъэхэмрэ зэк1элъок1уэ,нэхъыщ1эр нэхъыжьым щ1оупщ1э, нэхъыжьыр мэхъуахъуэ,мэущие, «Ет1анэгъэ п1алъэ Тхьэм ф1ык1э фынигъэс» жа1эурэ. Сэри сынывэхъуэхъуну сыхуейщ, «Ф1ыгъуэк1э ет1анэгъэм тхьэм фынигъэс!»

 

                              НЭЩЭНЭХЭР:

1.    Гъэрэ щ1ырэ щызэхэк1ым деж «Маф1ащхьэ джэд» яук1ырт, «гъэмк1э, унагъуэмк1э ф1ыщ» жа1эрти.

2.    Гъэрэ щ1ырэ щызэхэк1ым деж къешх-къесу е дунейр уфауэ щытмэ,гъатхей мэхъу, уэф1ыр тек1уэмэ,гъэф1 мэхъу жа1эрт.

3.    Гъэрэ щ1ырэ щызэхэк1 махуэм шэджагъуэ пщ1ондэ уаеу,жьапщэу щытрэ,шэджагъуэ нэужьым уэшх т1эк1у къешхрэ дыгъэ къепсыжмэ, «гъэр гъэф1 хъунущ» жа1эрт.

   

Ажыгъафэ:Уэ- хьэ-хьей, гъэрэ щ1ырэ зэхок1, Уэ захохьэ, уэ зэхок1, зозауэ, зэрызохьэ, ит1ани зэхок1, зэхохьэ.

 

Езыгъэк1уэк1 щ1алэ: Уэ жылэ, тхьэм и нэф1ыр зыщыхуэнхэ! Нобэ дэ ди гуф1эгъуэщ

Нобэ дэ ди тхьэлъэ1ущ!

Езыгъэк1уэк1 хъыджэбзым: Тхьэлъ1ушхуэр дэ зэтщ1эк1ыр Гъэрэ щ1ырэ зэхэк1ырщ.

 

Езыгъэк1уэк1 щ1алэ: Маржэ фынежьэ! Маржэ фынак1уэ!

Фыкъытхуеблагъэ, фыкъытхухэт,

Нэхъыжьхэм я псалъэ фыщ1эдэ1унщ,

Нэхъыщ1эхэм я джэгум дыздэхэплъэнщ

 

Езыгъэк1уэк1 хъыджэбзым: Къэфэнухэр ди куэдщ,

Уэрэдк1и дыбейщ,

Лэкъуми дгъэжьэнущ,

Тхьэ джэдри щы1энущ.

 

Езыгъэк1уэк1 щ1алэ:  Псори хьэзырщ, дызыхуеижыр зыщи

Фыкъытхуеблагъэ! Фыкъытхухэт!

   

Нэхъыжь зыгъэльап1эм и щхьэ льап1э мэхъур.

Арщи япэ хъуэхъур лъыдогъэс

Тхьэмадэу нобэ къыхэтхам:

 

Хъуэхъу

Ей, хахуэу ди щ1эблэ,

Гъащ1ибл зыгъэщ1эн

Сэ жыс1энур фэрк1э махуэщ:

Махуэ жагъуэ фимы1эу,

Фи1э ф1ыгъуэр здэвгуэшу,

Щыуэныгъэр фи мащ1эу,

Пщ1э зыхуэфщ1ыр нэхъыжьу,

Фи нэхъыжьхэр губзыгъэу,

Фи жагъуэгъухэр фф1эл1ык1ыу,

Флъэк1ыр влэжьу,фытхъэжу

Фи тхъэжыгъуэр гъунэншэу,

Гущ1эгъуншэ фхэмыту,                                                                                   Гузэгъэни  фхэмыту,

Фи пщ1эр уэру,

Фи къарур уардэу,

Дэрэжэгъуэр фи куэду,

Фи гуэныр гъавэм къикъутэу,

Ф1ым и гъуэгум фытету,

Фызыхуей гъуэгур хэфшыфу,

Фыпсэуну сохъуахъуэ!

Къафэ 3-4 класс       Къафэр дахащэм 1эгури дощащэ. Ещанэ-епл1анэ классым щеджэ ц1ык1ухэм фхуагъэхьэзыращ зы къафэ дахэ. Утыкур хуит яхуэтщ1ынщ.   

 

  

 

Усэ 2 класс

Токъу Раянэрэ Мэрзей Алианэрэ Тхьэгъэзит  Зубер итхауэ «Гъэрэ щ1ырэ» жыхуи1э усэм къытхуеджэнущи девгъэда1уэт кхъы1э.

 

 Зэхок1 нобэ гъэрэ щ1ырэ,

Зызэрадзыр хуабэм,

Уейм.

Зэк1э зэрыхэмыгъащ1э,

Щытек1уэнур сыт дунейм?

 

Къамыгъанэу лъэк1

Ягъахъэр.

Л1энкъэнэнхэу зэпэщ1этщ.

Щ1ым шыуану щхьэщытщ бахъэр…

Гугъэр т1уми я нэгу щ1этщ.

 

Зэхэтщ ц1ыхухэр нэшхуэгушхуэу:

«Лърес щхьэж хуэфащэ пщ1эр!»

Ауэ жьыр нэхъ къарууншэ

К1уэхук1э мэхъур-

Ток1уэ щ1эр.

 

Йок1уэт уаер папщэ-щатэу,

Гъатхэ щ1ылъэр къызэщоу.

Дунеижьым зэрыщыту

Вагъэбдзумэм и мэ щоу.

         

Уэрэд 2 класс Адыгэм сыт щыгъуи къыдогъуэгурык1уэ уэрэд жы1эныр. Ноби Гъатхэм теухуа зы уэрэд дахэ  къыджа1энущ ет1уанэ классым и еджак1уэ ц1ык1ухэми,дедэ1уэнщ ди гуапэу.

 

 

«Гъатхэ»

Ди жыгыжьым тет1ысхьауэ

Къызэфийр сэ къызолъыхъу.

Сыщеупщ1ым дыхьэшхауэ,

Мамэ же1э: «Ар бжэндэхъущ».

 

Ежьу:

Гъатхэ ц1ык1уу пщащэ дахэ,

Зи щхъуант1агъэм дыхуэзэш,

Къытхуеблагъэ дэ ди лъахэ,

Зи уэрэдк1э бзухэм хаш.

 

Жыгыжь щ1агъым сыщыщ1ыхьэм,

Си ныбжьэгъур мэлъэтэж.

Адэ жыжьэу къытот1ысхьэ,

Къызэфийуэ къыщ1едзэж.

Ежьу:

 

Ажэгъуэмэр, ещхьыркъабзэу

Езы гъатхэм, къэгъэгъащ.

А удз ц1ык1ум и мэр къабзэщ,

Жэнэтымэк1э гъэнщ1ащ.

   

Игра «Дэкъегъэжэх»

  Гъэрэ щ1ырэ щызэхэк1 жэщым сабийхэр мыжейуэ гъэм, илъэсыщ1эм техьэн щхьэк1э,унэм «Дэ къегъэжэх» джэгук1эмк1эщыджэгурт. Джэгук1эм щхьэк1э унэ лъэгум щхьэнтэ е пхъэгъу егъэзыхыгъуэу иралъхьэрт.Ит1анэ джэгухэм гъуэрыгъуэурэ абы дэшхуэ кърагъэжэхырт.Дэ кърагъэжэхар унэ лъэгум щылъ дэ гуэрым  жьэхэуамэ,ар дэр къезыгъэжэхам къихьэхуауэ арат. Зыми жьэхэмыуакъэ,абы щыгъуэ къык1элъык1уэм и дэр къригъэжэхырт. Зэрыджэгум нэмыщ1ауэ дэ нэхъыбэ къэзыхьэхур илъэсыщ1э къихьам 1умахуэ,насыпыф1э хъуну ялъытэрт.

 

 

Ц1ыхубз макъ къо1у: Уа фыубыд...

Ажэгъафэ: Джэдыр къыт1эрыхьащи фщэхуж., гъуэмылэ фэндыр къэфхь

 

(Гъуэмылэ фэндыр иратри, джэдыр тхьэмадэм иретыж)

     

«Хъуромэ» жа1эурэ джэдыр зы1ыгъ тхьэмадэр къафыхь.

Уэ хъуромэ,хъуромэ,

-Уо,уо!

Уэ мэшырыщ1э,

-Уо,уо!

Трасэри мэхъур,

-Уо,уо!

Хъуэхъур зи 1энэ,

-Уо,уо!

Ф1ык1э мэхъуахъуэ,

-Уо,уо!

Ари къыфлъыси,

-Уо,уо!

 

Гъэ дызытехьэр, гъэ угъурлы хъуну тхъэм

 къытхущ1игъэк1- же1эри тхьэмадэр йок1ыж.

 

Чыбжьэ зэпекъу  3 нэ кл я щ1алэхэр

 

Хьэщэ Тамирлан       Щомахуэ Амырхъан.

 

"Гъэрэ  щ1ырэ ".                 

Гъэщ1эр  гъэжьым  езэуащ,

Пщ1энт1эпс 1эджи къыпихуащ.

Темык1уэну къызэрищ1эу,

Гъэжь губзыгъэм зэрихабзэу,

Уафэ иныр игъэкъабзэщ,

Уэсыжь къомыр зэщ1икъуэжщ,

И бгыр ф1ыуэ щ1икъузэжщ,

Дыгъэ тхъуэплъыр къиут1ыпщыжри,

Гъэщ1эм и 1эр иубыдыжри,

Еуэщ-аби, ежьэжащ,-

Гъэрэ щ1ырэ зэхэк1ащ...

Иджы бзум къраш уэрэд,     Нани къехь Маф1эщхьэ джэд.

Нанэ къехь джэдыр.

Нанэр мэхъуахъуэр:

Зы махуэр фи насыпищэу,

Махуищэр фи насып мину,
Фи хэхъуэр ину,

Хъуэхъур фи куэду,

Дзы къыфхуамыщ1у,

Пщ1э зэхуви1эу,

Фызыхуейм фи 1эр лъэ1эсу

Фыпсэуну сохъуахъуэ.

Ет1анэгъэ п1алъэм узыншэу тхьэм фынигъэс!

   

 

Езыгъэк1уэк1 щ1алэ:Ижь ижьыж льандэрэ жа1э пэ зи1эм к1эи и1эщ.

Ат1э нобэрей ди тхьэлэ1ури ик1эм нэсащ.

Езыгъэк1уэк1 хъыджэбз:Аращи тхьэм ф1ыгъуэк1э дызэхуигъазэ, ф1ым и нэхъыф1ыр тхъэм къыдищ1ыл1э.

Ф1ык1э!(т1уми зэгъусэу.)

 

Ат1э,ди тхьэлъэ1ур ик1э щынэсак1э, зэхэдублэнщ зы адыгэ джэгу!!!   Фыкъызогъэблагъэр ди утыкушхуэм!!!